Poliisi atandiise okunoonyereza ku mukozi wa KCCA eyatiddwa nga busaasana olunnaku olw’eggulo nga 13, Janwali, 2018 mu bitundu ebye Bwaise oluvannyuma omulambo gwe negusuulibwa mu mufuleje.
Omulambo gwa Sarah Nakanwagi gwasangiddwa nga bagwambudde nga tali mu mpale y’omunda era kiteberezebwa nti basoose kumusobyako kirindi.
Okusinzira ku mwogezi wa Poliisi mu Kampala n’emirirwano Luke Owoyesigyire omulambo gwa Nakanwagi gwasangiddwa ne nkwagulo mu bulago era Poliisi esobodde okukwata abantu 2 bayambeko mu kunoonyereza era mu kiseera kino bali ku Poliisi y’e Kawempe.
Abamu ku batuuze mu bitundu bye Kawempe bagambye nti Poliisi tekoze kimala okukuma ekitundu kyabwe wabula okutigomya abbo, abakola emirimu gyabwe.
Omulambo gwa Nakanwagi gwatwaliddwa mu ddwaliro lye Mulago nga Poliisi bw’egenda mu maaso n’okunoonyereza.
