Kyaddaki abayimbi ba B2C, Radio ne Weasel bakwasiddwa ekirabo kyabwe oluvanyuma lw’oluyimba lwabwe “Gutamiiza” okuwangula ekifo ekisooka omwaka oguwedde ogwa 2017.
Oluyimba “Gutamiiza” lwawangula ennyimba 101 era kwezo 102 ezasinga mu 2017 era lwakwata namba emu ate lwamala sabiti 10 nga lukwata ekifo ekisooka mu Pulogulamu ya Count Down eya DJ Herbert.
Olunnaku olwaleero, abayimbi ba B2C bakwasiddwa engule yabwe ku mukolo ogubadde ku kitebe kya 100.2 Galaxy FM e Kansanga.
Mungeri y’emu n’abayimbi Radio ne Weasel nabo bawereddwa engule.
Omwaka ogwa 2016, omuyimbi Sheebah Karungi yeyawangula engule n’oluyimba lwe Nkwatako.
Ekiddako omwezi ogwokusatu gunno gwenyini omwaka ogwa 2018, gwe mukolo ogwa Zzina Awards ogugendereddwamu okusiima abayimbi ne bannakatemba abasukulumye ku banaabwe.
