Kyaddaki mwana muwala Pia Pounds avuddeyo ku bigambibwa nti ali mukwano n’omuyimbi Eddy Kenzo owa Big Talent.
Omwezi gunno ogwa Janwali, Omuyimbi Kenzo yasayininga Pia Pounds mu kibiina kye era abantu batandikirawo okugamba nti yagenda okudda mu bigere bya Rema Namakula mukyala wa Kenzo.
Wabula mwana muwala Pia Pounds avuddeyo n’agamba nti Kenzo amutwala nga kitaawe kuba yasobodde okumukiriza mu kibiina kye.
Mungeri y’emu agambye nti ye muyimbi era atekeddwa okwatagana n’abayimbi abalala nga Kenzo kyoka tali mu bya Mukwano kuba Kenzo alina omukyala Rema.
Pia Pounds yani?
Pia Pounds ng’amannya ge amatuufu ye Tracy Kirabo alina emyaka 22 era muwala muwandiisi, Muyizi ku International University of East Africa e Kansanga era mu Desemba wa 2018 agenda kutikirwa Diguli mu business and management studies.
Yatandiika okuyimba ku myaka 16 era yaliko omuyizi ku Lubiri Secondary School.
Amangu ddala nga Kenzo amukiriza mu kibiina kye, Pia Pounds yasobola okweyambisa omukutu ogwa Face Book okulaga essanyu lye nti ye ssaawa okutunda ennyimba ze n’okweyagalira mu kisaawe ky’okuyimba “ Am so grateful for this day. I thank the almighty for the abundance in favor that overwhelms upon my head. I thank the almighty for the day Eddy Kenzo recognized me. Father please guide me into glory, this has been a dream for soooo long. I am so happy to be part of a family that never fails. Finally Pia is born. May the flashlight never fade”.
Mwana muwala Pia Pounds alina oluyimba “Wandesewo” era alina ne vidiyo yalwo.
