Bya Nalule Aminah
Kyaddaki eyali aduumira Poliisi y’e Buyende ASP Muhammad Kirumira ayimbuddwa nga bamukiriza okweyimirirwa.
Kirumira abadde mu kkooti ya Poliisi etuula ku kitebe kya Poliisi e Naguru ku misango egyenjawulo omuli okulya enguzi, okufuna ssente mu lukujukuju n’okutambuza emirimu gye mu ngeri emenya amateeka.
Sabiti ewedde, ssentebbe wa kkooti ya Poliisi Dennis Odongopiny yalagira Kirumira okuleeta omusirikale amusinga amayinja okumweyimirira era y’ensonga lwaki olunnaku olwaleero Assistant Commissioner of Police (ACP), Sam Omala yaleteddwa.
ASP Kirumira ateereddwako ebiragiro ebikambwe nga bamulagidde nti talina kuddamu kwogerako eri bannamawulire ate ateekeddwa okweyanjula ku kiteebe kya Poliisi e Naguru buli lunnaku.
