Bya Nalule Aminah
Katemba abadde ku kitebe kya Poliisi Naguru enkya ya leero, nga bannamawulire bagobagana n’abasirikale.
Poliisi ekedde kulemesa bannamawulire okugenda ku Poliisi e Naguru okugoberera omusango gwa ASP Muhammad Kirumira eyali aduumira Poliisi y’e Buyende, oguzeemu enkya ya leero.
Kirumira avunanibwa emisango mingi ddala omuli okulya enguzi, okufuna ssente mu lukujukuju n’okutambuza emirimu gye mu ngeri emenya amateeka.
Kkooti ya Poliisi ng’ekulembeddwamu Denis Odongpiny yerina okumuwozesa era bannamawulire bonna baganiddwa kyoka aba Famire bbo bakiriziddwa nga bakulembeddwamu taata wa Kirumira Abubaker Kawooya.
Bannamawulire ababadde bagezaako okukwata ebigenda mu maaso, balidde matereke ne Poliisi era abamu bakubiddwa.
