Bya Robert Kabula
Omu afiridde mu kabenje enkya ya leero ku luguudo oluva e Kampala okuda Entebbe.
Akabenje kano kabadde mu bitundu bye Namasuba okumpi ne bbaala lya Happy Boys, emmotooka ya Poliisi etategerekese namba bw’etomedde omukyala atemera mu gy’obukulu 30-40 naffirawo.
Okusinzira ku batuuze, omukyala abadde atamidde nnyo ng’ava mu bbala ne bawala be babiri kyoka abadde ayagala kusala luguudo emmotoka ya Poliisi kwekumukoona.
Omulambo gutwaliddwa mu ddwaliro ekkulu e Mulago okwekebejjebwa.
Wabula akulira Poliisi y’e biduuka mu bitundu bye Namasuba Afande Wambi wadde agaanye okwogerako naffe, yakulembeddemu okutwala omubiri gw’omugenzi mu ddwaliro.
Bbo abatuuze bekokodde Poliisi mu kitundu kyabwe okwawulamu abaana n’ebyana kuba wadde omukyala atiddwa kyoka baluddewo okuggya omulambo mu kkubo.
Poliisi yesobodde okutakiriza abatuuze ababadde bavudde mu mbeera nga bagala okwekalakaasa n’okuziba ekkubo olwa Poliisi okulwawo okuggya omulambo mu kkubo.
