Bya Nalule Aminah
Eyali aduumira Poliisi y’e Buyende Muhammad Kirumira aguddwako emisango 4 era essaawa yonna okuva kati, kkooti ya Poliisi egenda kumuwa ekibonerezo.
Emisango egimusingisiddwa mulimu okweyambisa mu bukyamu obuyinza bwe omuli okulaga eggwanga abantu abakwattiddwa nga tebatwaliddwa mu kkooti omuli Nsubuga Ibrahim ne Detective Constable Ainebyona Allan.
Emisango emirala kuliko okulagira Kamanda Kayizzi okuva mu maka ge mu 2014 n’emisango emirala.
Ate emisango emirala omuli okulya enguzi, okweyambisa mu bukyamu offisi n’okufuna ssente mu lukujjukujju gimugiddwako.
Mu kiseera kino kkooti ya Poliisi etuula ku kitebe kya Poliisi e Naguru egenda kuwa ekibonerezo ku misango egimusingisiddwa.
Mu kkooti bannamawulire baganiddwa okuyingira munda era abasirikale ba Poliisi ab’ekibinja ekirwanyisa obutujju (Counterterrorism police) batereddwa ku mulyango oguyingira munda e Naguru okulemesa munnamawulire yenna okuyingira.
