Omulamuzi wa kkooti esokerwako e Kabale, asindiise munna FDC akulembera abavubuka mu distulikiti y’e Kabale Stanislaus Rena Owamani mu kkooti enkulu e Kabale ku misango gy’okaka omukyala akaboozi.
Okusinzira ku ludda oluwaabi nga lukulembeddwamu Judith Nyamwiza nga 25, Desemba, 2017, Owamani ng’ali ne banne 3 bagezaako okubba essimu y’omukyala Patience Nanteza gwe basangiriza ku Vivi Hotel mu kitundu kyoka omukyala Nanteza weyakitegera natambulirawo okudda awaka.
Kigambibwa Owamani yamugoberera okutukira ddaala ku kyalo Mafuga cell mu goombolola y’e Kabale era namusobyako obudde obw’ekiro.
Oludda oluwaabi lutegezeza omulamuzi nti lukomekereza okunoonyereza, ekiwaliriza omulamuzi Raphael Vueni okusindiika Owamani mu kkooti enkulu okutandiika okwewozaako ku misango egimuvunanibwa.
