Poliisi ennyuludde abantu babiri (2) abagudde mu nnyanja Nalubaale mu disitulikiti y’e Wakiso Entebbe.
Mutege Ekisaferi, 28 abadde mutuuze ku kyalo Kajjansi era asangiddwa ng’afudde ku mwaalo gw’e Kitubulu e Katabi okumpi n’akatawuni k’Entebbe.
Okusinzira ku batuuze omugeenzi abadde talina mulimu era abadde yakayingira omulimu gw’okuvuba ku Mmande ya sabiti eno.
Ate omulambo gwa Morris Musisi Sserumaga gusaangiddwa ku mwaalo gwe Lwanjaba mu Town Council y’e Katabi.
Bashir Mutabuza omu ku bavubi ku mwaalo gwe Lwanjaba agambye nti Sserumaga yagudde mu nnyanja olunnaku olw’eggulo ku Lwokuna.
Ku nsonga eyo, aduumira Poliisi mu bitundu by’Entebbe, Samson Mission agambye nti batandiise okunoonyereza ku nsonga eyo.
