Bya Rashidah Nakaayi
Poliisi mu Kampala ekutte omusirikale waayo ku by’okukuba abantu amasasi olunnaku olw’eggulo ku Lwokubiri.
Ali Antony yakwattiddwa era mu kiseera kino ali ku Poliisi y’e Wandegeya.
Okusinzira ku mwogezi wa Poliisi mu Kampala n’emiriraano Luke Oweyesigyire, omusirikale waabwe okwatibwa, kidiridde okukuba amasasi omukyala Asekenyi Christine n’omuyizi ku yunivaasite y’e Mekerere ategerekeseeko erya Kizito ku ssaawa 4:30 ez’ekiro (10:30PM).
Oweyesigyire agamba nti amasasi gabakutte ku magulu era batwaliddwa mu ddwaliro e Mulago okufuna obujanjabi.
Poliisi egamba nti omusirikale Antony yaliko mu mukwano n’omukyala Asekenyi era balina abaana babiri (2), ng’eyinza okuba emu ku nsonga lwaki bakubiddwa amasasi ng’omusirikale ateebereza nti baagalana.
Wabula Oweyesigyire agamba nti omusirikale wabwe aguddwako ogw’okulumya abantu ng’okunoonyereza wekugenda mu maaso.
