Poliisi ekutte ssemaka lwa kusobya ku muwala we atanneetuuka myaka 11.
Begumisa Deogratious myaka 29 omutuuze w’e Kinoni mu disitulikti y’e Lyantonde yakwattiddwa ku by’okudda ku mwana we, n’amutunuza mu mbuga ya sitaani.
Omwogezi wa Poliisi mu bendobendo lye Masaka (Greater Masaka), Lameck Kigozi agambye nti Begumisa okwattibwa, kidiridde mwanyina Kyalisiima Jovuleti okuddukira ku Poliisi okwemulugunya nti muganda we (Begumisa) yakutte omwana omuto.
Lameck era agambye nti omwana atwaliddwa mu ddwaliro okwekebejjebwa era singa abasawo bafulumya alipoota ng’omwana yasobezeddwako, ssemaka Begumisa bagenda kumutwala mu kkooti ku musango gw’okujjula ebitanajja.
Mu kiseera kino Begumisa ali mu kaduukulu ka Poliisi e Lyantonde.
