Poliisi etandiise okunoonyereza ku ngeri ssemaka gye yafiridde mu loogi, oluvanyuma lw'akaboozi n'omukyala atanamanyika.
Ogwang Kizito kati omugenzi atemera mu gy'obukulu 40, abadde mutuuze ku kyalo Alololo mu ggombolola y'e Alebtong mu disistulikiti y'e Liira, omulambo gwe, gwasangiddwa mu loogi ya Blue Valley mu katawuni k'e Liira.
Okusinzira ku mwogezi wa Poliisi mu kitundu ekyo (North Kyoga) David Ongom, mu loogi musangiddwamu Densite y'amannya ge, eddagala mu bika ebyenjawulo n'obupiira obukozeseddwa.
Mungeri y'emu agambye nti omukyala eyabadde amulambuza ebyalo, tamanyikiddwa.
Omulambo, gutwaliddwa mu ddwaliro ekkulu e Lira okwekebejjebwa okuzuula ekyavuddeko okufa kwe.
