Ssaabasajja Kabaka Ronald Muwenda Mutebi 11 akubirizza abantu bonna okujjumbira okwekebezza obulwadde bwa nnalubiri (Sickle cell) kuba y’engeri yokka eyinza okuyambako okulwanyisa obulwadde obwo.
Kabaka abadde ayogerako eri abantu be enkya ya leero mu lubiri e Mmengo abakedde okwetaba mu misinde egikulembeddemu ebikujjuko by’amazaalibwa ge age 64 nga 13, April, 2019.
Emisinde gyetabiddwako abantu bangi ddala omuli Omulangira Ssemakookiro, Omumbejja Katrina Ssangalyambogo, bannabyabufuzi omuli ababaka ba Palamenti, Dr Kizza Besigye, abakungu ba Ssaabasajja mu Buganda n’abantu abalala.
