Omubaka w’e Kyadondo East mu lukiiko lw’eggwanga olukulu Robert Kyagulanyi Sentamu amanyikiddwa nga Bobi Wine alabudde abakyala, okweyambisa olunnaku luno olw’abakyala mu nsi yonna, okwejjukanya obuvunanyizibwa bwabwe mu kulakulanya eggwanga lino.
Bobi Wine bw’abadde awayamu ne 100.2 Galaxy FM Zzina agamba nti abakyala, bebateekeddwa okulungamya eggwanga lino nga bayita mu kulambika abaana empisa enungi zebalina okutambuliramu.
Mungeri y’emu agambye nti abakyala balina okuvaayo okulambika eggwanga ebirungi sako n’ebikyamu ebikolebwa mu buli ngeri yonna.
Robert Kyagulanyi Sentamu era agambye nti abakyala okubulwa ebyetagisa nga bagenze mu nsonga n’okusingira ddala mu byalo, y’emu ku nsonga lwaki bangi ku baana abobuwala bawanduse mu massomero ne bafuna embuto ku myaka emito.
