Poliisi evuddeyo ku nsonga ezigambibwa nti yakiriza ebbaala ya Dee bar Entebbe, okugulwawo nga yali egaddwa ku by’okufa kw’omuyimbi Mowzey Radio.
Kinnajjukirwa nti kanyama eyali omukozi mu bbaala eyo, Godfrey Wamala amanyikiddwa nga Troy, omutuuze w’e Kyengera mu goombolola y’e Nsangi mu disitulikiti y’e Wakiso, yakwata Radio namukuba wansi nafuna obuzibu ku mutwe ekyavirako okufa kwe, nga 1, Febwali, 2018, ebbaala bagigala okuwa Poliisi omwagaanya okunoonyereza.
Ku nsonga eyo, amyuka omwogezi wa Poliisi mu ggwanga Patrick Onyango agambye nti Poliisi yakomekereza omulimu gwaayo ogw’okunoonyereza, omukwate Troy nasindikibwa mu kkooti ku musango gy’obutemu era bbo nga Poliisi, kifo tebakyetaaga.
