Kampuni etunda ebintu ku mutimbagano gwa yintaneeti eya Jumia erangiridde ebikujjuko by’okujjaguza okuweza emyaka 7 mu kutunda ebintu eby’enjawulo mu Uganda.
Aba Jumia batunda ebintu omuli amassimu, ttiivi, Engato, engoye n’ebitundu ebirala era ebikujjuko by’okuweza emyaka 7, byakutandika nga 24, June, 2019 okutuusa nga 14, July, 2019.
Mu bikujjuko bino, ebintu byonna bisaliddwako ebitundu 77 ku 100.
Akulira Jumia mu Uganda, Ron Kawamara agamba nti enkola y’okutundira ebintu ku mutimbagano mu Uganda, bagitandika mu 2014 era mu kiseera kino balina bakasitoma bangi nnyo.
Mungeri y’emu agambye nti okutunda ebintu nga bisaliddwako ebitundu 77 ku 100, kikoleddwa okudiza ku bakasitoma baabwe.
