Poliisi evuddeyo katambi, akali mu kutambula ku mikutu migatta abantu, akalaga abasirikale baabwe nga bagabana ensimbi ku Trusted Arcade mu Kikuubo.
Mu katambi, mulimu abasuubuzi abagamba nti abasirikale ssente baziggye ku basuubuzi, era mu katambi, baabadde ku ddimu ery’okugabana ensimbi.
![](https://www.galaxyfm.co.ug/wp-content/uploads/2024/02/jhjh-1.png)
Wabula omwogezi wa Poliisi mu Kampala n’emirirwano Patrick Onyango, agamba nti Poliisi n’ekitongole ekirwanyisa ebicupuli ekya Uganda Registration Service Bureau baabadde mu kikwekweeto, eky’okulwanyisa ebicupuli wakati wa 23 – 24, Febwali, 2024.
Onyango, agamba nti ssente zaweereddwa abasirikale aba Uganda Registration Service Bureau, okufuna eky’okulya ssaako n’akasiimo wabula tezabiddwa ku basuubuzi nga abali mu katambi, webatambuza amaloboozi.
Onyango agamba nti tewali musirikale yenna yasabye musuubuzi yenna ssente era ebigambo ebiri mu kutambula bya bulimba.
Wabula asabye abasuubuzi abayinza okuba nga balina obujulizi okugenda ku Poliisi okwekubira enduulu.
Audio!