Abayizi ba Trust Infant Primary School e Nakaseke, basimatuse okufiira mu kabenje, Kosita ebadde abatwala okulambula, bw’efunye akabenje.
Kigambibwa ddereeva Kosita emulemeredde nga batuuse ku bitaala bye Nkumba ku luguudo lwe Ntebbe, netomera emmotoka ya gavumenti nnamba UG 2402C era bwetyo, nagikuba ekigwo.
Abayizi, babadde bagenda kulambula, ekkumiro ly’ebisolo Entebbe.
Kigambibwa abayizi 6, bakoseddwamuko era batwaliddwa mu ddwaaliro, okwekebejjebwa abasawo.
Kosita wegudde, kye kifo kyekimu, ekimotoka ekitabula omusenyu ekya Seyani Brothers and Company Ltd wekyattira, munnamateeka Okiot Raphael mu Gwokuna, 2024 bwe kyagaana okusiba ne kigwira emmotoka ye ekika kya Mitsubishi nnamba UBQ 371P nga zonna zaali ziva Kampala okudda Entebe.
Ebirala ebifa mu ggwanga – https://www.youtube.com/watch?v=AICU-ogq0Ok
