Muto wa Pulezidenti w’ekibiina ki National Unity Platform (NUP), Robert Kyagulanyi Ssentamu (Bobi Wine), Mikie Wine alaze ssente, agulidde abavubuka b’omu Ghetto kiteki ezibatwala mu kivvulu kya Mudra D Viral.
Ekivvulu kitwaliddwa ku Zoe Ground Lugogo, Kampala ku Lwokutaano nga 30, August, 2024.
Abayimbi abavuddeyo okuwagira Mudra kuliko Karole Kasita, Feffe Bussi, D-Star Hozambe, Nina Rox, Mikie Wine, Dax Vibez, Jowy Landa, Green Daddy n’abalala.
Wabula Mikie Wine asobodde okugulira abavubuka tiketi ezibatwala mu kivvulu kya Mudra za mitwalo 50.
Agamba nti buli muntu alina okuwagira munne era y’emu ku nsonga lwaki avuddeyo okuwagira Mudra.
Mikie naye alina konsati nga 7, September, 2024 ku Jahazi Pier e Munyonyo.
Ku lunnaku olwo, ne Gravity Omutujju naye alina ‘Embaga Ya Isma N’amina’ ku Lugogo Cricket Oval.
Kigambibwa, okusika omuguwa oguli mu bayimbi, y’emu ku nsonga lwaki, bangi balina konsati ku nnaku zezimu.
Ebikwata ku kivvulu – https://www.youtube.com/watch?v=uyxvUp4KcWk
