Poliisi ekutte asikaali myaka 28 owa Kisoro Vision Secondary School ku misango gy’okutwalira amateeka mu ngalo.
Kigambibwa nga 18, October, 2024, yakubye omwana empi, tteke bwe yabadde agezaako okuva ku ssomero nga tafunye lukusa.
Okuva ku Lwokutaano, vidiyo ebadde etambula ku mikutu migatta bantu omuli Twitter, WhatsApp n’endala.
Okusinzira ku Boaz Arineitwe, akwasaganya Poliisi n’omuntu wa buligyo e Kisoro, asikaali ategerekeseeko erya Saddam okuva mu disitulikiti y’e Yumbe akwatiddwa.
Kigambibwa amyuka RDC we Kisoro Robert Tukamuhabwa, yalagidde akwatibwe mu bwangu oluvanyuma lw’okutwalira amateeka mu ngalo.
Ate ssentebe wa LC 5 e Kisoro Abel Bizimana asabye Poliisi okukola kyonna ekisobola, okutwala asikaali mu kkooti.
Mungeri y’emu Direkita w’essomero Dan Munyambazi naye agumizza abazadde era naye asuubiza okuyingira mu nsonga ezo, omwana okufuna obwenkanya.
Ebirala ebifa mu ggwanga – https://www.youtube.com/watch?v=I6yHl6zLcpw
