Omulamuzi wa kkooti esookerwako e Makindye, Esther Adikin ayimbudde omuyimbi Mulwana Patrick amanyiddwa nga kimenke Alien Skin ne Kanyama we Mugabi Julius amanyiddwa nga Julio.
Omulamuzi, abalagidde okusasula ssente miriyoni emu ey’obuliwo buli omu ate ababeeyimiridde obukadde 5 ezitali za buliwo.
Kimenke Alien Skin alagiddwa okudda mu kkooti nga 13, January, 2025.
Omulamuzi amugaanye okudda ebweru w’eggwanga okugyako ng’asabye olukusa ate singa agezaako, okulumba abamuggulako emisango mu mbeera yonna, wakwatibwa, azzibwe e Luzira.
Alien Skin, yakwatibwa ku misango egiwerako omuli nga 28, September, 2024 e Makindye, Kampala mbu yeenyigira mu kubba essimu ya Mubiru Salim ekika kya Iphone 15 PRO, ssente 480,000 ne Wallet omwali National ID n’ebirala. Ate nga 19, November, 2024, yeenyigira mu kuba omusawo ne basikaali 2 ku ddwaaliro e Nsambya, webaali batutte munaabwe Joram Tumwesigye myaka 28 okufuna obujanjabi kyokka naafa nga bakatuukayo.
Ebirala ebifa mu ggwanga – https://www.youtube.com/watch?v=i_rdjJC0ONg
