Omugagga Ssegawa avudde mu mbeera, bw’akutte omuyimbi ne muwala we mu loogi akawungeezi k’olunnaku olw’eggulo ku Lwomukaaga.
Ssegawa y’omu ku basuubuzi abaludde nga basuubula ebintu eby’enjawulo omuli ettaka, alina edduuka, okusuubula ebireme n’emirimu emirala.
Olunnaku olw’eggulo, yavudde mu mbeera oluvanyuma lwa muwala we ali ku ttendekero ng’asoma bya mikono, okumukwatira mu loogi.
Yamukutte n’omuyimbi ategerekeseeko erya Kato, omu ku baludde nga bayimba kaliyoki mu bbaala ez’enjawulo mu disitulikiti y’e Luweero ne Nakaseke.
Oluvanyuma lwa Ssegawa okutuuka ku loogi, Kato yasobodde okubuuka ekisenge okudduka era mu kiseera kino aliira ku nsiko.
Wadde omuwala ali mu myaka 20, ng’omuzadde omulala yenna, aba ayagala muwala we okufuna omusajja alina ku ssente.
Ssegawa yakubye muwala we empi kyokka yataasiddwa abakozi ku loogi.
Yavudde ku loogi ng’asabye abatuuze abayinza okumuyamba okukwata Kato nga n’omuwala yasobodde okufuna bodaboda okuva ku loogi wakati mu batuuze okusakaanya.
Ebirala ebifa mu ggwanga – https://www.youtube.com/watch?v=Hv4ajSACcLw
