Poliisi mu Kampala eri mu kunoonya omusajja ku misango gy’okutta omukyala omulambo nagusibira mu loogi.
Omusajja anoonyezebwa, tamanyikiddwa wabula omukyala Faridah Alawu yamusse nga bali mu loogi ‘Vintage Bar and Lodge’ Kireka Central Zone, Namugongo mu Monisipaali y’e Kira, oluvanyuma lw’okusinda omukwano kiro kiramba.
Luke Owoyesigyire, amyuka omwogezi wa Poliisi mu Kampala n’emirirwano, agamba nti okunoonyereza kulaga nti Alawu abadde malaaya w’omu kitundu.
Ku makya nga 15, June, 2024, nannyini Vintage Bar and Lodge, Hilda Nanduttu myaka 52, yalabye omusaayi nga guva mu kisenge, kwekuyita Poliisi okwekeneenya ekisenge.
Poliisi okutuuka mu kisenge nga Alawu, yattiddwa ali mu kitaba kya musaayi nga okumpi n’omulambo waliwo akambe akagambibwa okweyambisibwa mu ttemu.
Owoyesigyire agamba nti ekifo temuli kkamera era mu kiseera kino kizibu okuzuula endabika y’omusajja kati omutemu ali mu kunoonyezebwa.
Poliisi egamba nti erina akambe ne kondomu enkozese ezigenda okuyambako mu kunoonyereza okuzuula omutemu.
Ebirala ebifa mu ggwanga – https://www.youtube.com/watch?v=BO5UidKFwPE&t=5s
