Kkooti e Kabale eriko omusajja myaka 35, gwesindise mu kkomera ku misango gy’okutisatiisa okutta nnyina ku kyalo Kabira mu disitulikiti y’e Rukiga.
Kkooti, ebadde ekubirizibwa omulamuzi Julius Mutabazi.
Okunoonyereza kulaga nti nga 28, December, 2023, Barnet Agaba, yatisatiisa okutta nnyina Peninah Kyomuhendo olw’obutakaanya wakati waabwe, ekyavaako nnyina okuddukira ku Poliisi.
Mu kkooti, Agaba akkiriza emisango gyonna era asabye omulamuzi okusonyiyibwa kuba alina omukyala n’abaana, balina okulabirira.
Wabula oludda oluwaabi nga lukulembeddwamu Racheal Nkwanzi, lusabye omulamuzi okusiba Agaba ebbanga eriwerako, okutangira abaana ekyokutyoboola eddembe lya bazadde baabwe.
Omulamuzi Mutabazi, mukuwa ensala, agambye nti Agaba amusibye emyezi 6 olw’okukiriza emisango kyokka amusaliddeko emyezi 3 n’ekitundu ky’amaze ku limanda, nga wasigaddeyo emyezi 2 n’ekitundu.
Ebirala ebifa mu ggwanga – https://www.youtube.com/watch?v=Q_6oWMsqnkI
