Omusomesa ku Yunivasite ya Bishop Stuart University, Doreen Atwongyeire agambibwa okwokya omukozi we, awaka Racheal Ninsiima asindikiddwa ku alimanda yebakeyo wiiki namba.
Omusomesa Atwongyeire alabiseeko mu maaso g’omulamuzi wa kkooti esooka e Mbarara Esther Baagala.
Kigambibwa nti nga 25, September, 2024 e Kateete mu Mbarara City south division Doreen Atwongyeire yatuusa obulabe ku Racheal Ninsiima ng’amuyiira amazzi agookya n’ekigenderwa eky’okumulemaza.
Okunoonyereza era kulaga nti Atwongyeire abadde atulugunya Kansiime ng’oluusi abadde amukubamu ne ku miggo ate nga muntu mukulu.
Atwongyeire waakudda mu kkooti nga ennaku z’omwezi 15, October, 2024.
Mu kiseera kino Ninsiima ali mu mbeera embi ng’alina ebiwundu ku ludda lw’ekifuba olwa ddyo wabula nga yetaaga bujjanjabi n’okufuna obwenkanya.
Ebirala ebifa mu ggwanga – https://www.youtube.com/watch?v=WE8RwdTcXB4
