Abatuuze bakutte omusawo bw’asangiddwa lubona nga yeenyigidde mu kubba amatooka ku ssaawa nga 12 ez’okumakya.
Mukyemu Jeremia, nga musawo ku Toto Care Medical Clinic ku kyalo Nsawo e Namugongo yakwatiddwa.
Omusawo Mukyemu, asangiddwa ng’ali mu sitoowa y’omukyala Tumukunde Justine, ku luguudo lwa Namugongo – Seeta.
Kigambibwa oluyingidde okubba, abatuuze bakubye enduulu era amangu ddala abatuuze bavuddeyo okwekeneenya embeera.
Abatuuze okutuuka nga omusawo w’oku kyalo Mukyemu ali mu sitoowa y’omukyala Tumukunde omuli amatooke n’amanda.
Abatuuze nga bakulembeddwamu ssentebe w’ekyalo Nsawo, Ssendawula Michael, bagamba nti ku kyalo obubbi busukkiridde kyokka kyewunyisa omusawo Mukyemu okwenyigira mu kutigomya abatuuze.
Omusawo Mukyemu atwaliddwa ku Poliisi ku misango gy’obubbi.
Bbo abatuuze basabye Poliisi okunoonyereza ennyo ng’omusawo alina okuwa Poliisi amawulire ku babbi abali ku kyalo abaludde nga batwala ebintu byabwe.
Abatuuze bagamba nti ababbi batwala buli kantu omuli n’okumenya amayumba.
Ebirala ebifa mu ggwanga – https://www.youtube.com/watch?v=eT1X9bTTH6A&t=1s
