Poliisi mu Kampala evuddeyo ku nsonga z’okuyita omuyimbi Gravity Omutujju okwewozaako.
Okuva olunnaku olw’eggulo, wabaddewo ekiwandiiko ekitambula ku mikutu migata abantu n’okusingira ddala ogwa WhatsApp nga kiyita Gravity Omutujju.
Gravity yayitiddwa ku Poliisi ya Jinja Road ku ssaawa 4 ez’okumanya ku Lwokutaano.
Okusinzira ku Patrick Onyango, omwogezi wa Poliisi mu Kampala n’emirirwano, waliwo omuntu eyaddukidde ku Poliisi ng’asaba okuyambibwa olwa Gravity okutwala ssente kyokka nagaana okuyimba.
Wadde Poliisi egaanye okwatuukiriza erinnya ly’omusajja, Onyango agamba nti omusajja yawa Gravity ssente z’ekivvulu era Gravity yakola akalango okuyita abantu kyokka oluvanyuma Gravity yagaana okugenda okuyimba.
Omusajja yasobodde okuwa Poliisi sitetimenti nga y’emu ku nsonga lwaki Gravity naye ayitiddwa okuwa Poliisi sitetimenti, okusalawo ekiddako.
Ebigambo bya Onyango – https://www.youtube.com/watch?v=C2Lg5QgtTBM
