Abasawo ku ddwaaliro e Mulago erya Kkansa, balabudde abakyala okukomya okulowooza nti omusajja yenna okuyonka amabeere gaabwe, kiyinza okuyamba okutangira kkansa w’amabeere.
Okusinzira ku Christine Namulindwa, omwogezi wa Uganda Cancer Institute, agamba nti tewali kunoonyereza kwonna kulaga nti omusajja okuyonka amabeere, kiyinza okuyamba omukyala ku nsonga y’obulwadde bwa Kkansa.
Namulindwa awanjagidde abakyala okwettanira amalwaliro okwekebeza kkansa w’amabeere kuba mu ggwanga yeyongedde ssaako ne Kkansa wa nnabaana.
OBULWADDE BWA KKANSA MU UGANDA
| 2024 | Alipoota y’omwaka |
| Abalwadde abapya | 36,000 |
| Ku balwadde abapya 36,000 | 7,945 bebali ku bujanjabi e Mulago |
| 1,400 mu ddwaaliro e Mbarara | |
| Abalwadde abatali ku ddagala | 26,655 |
| Amalwaliro ga Kkansa mu Uganda | Mulago Mbarara, Arua, Gulu Mbale |
| Obujanjabi obw’eddagala N’okulongoosa | Mbarara Arua, Gulu, Mbale |
| Obujanjabi obw’eddagala, okulongoosa n’okalirira | Mulago |
| Buli lunnaku, abalwadde abafuna obujanjabi ne baddayo awaka | 450 |
| Nga Uganda Cancer Institute, balina ebitanda | 140 |
| Abakyala | Kkansa wa Nnabaana n’amabeere |
| Abasajja | Prostate |
